देय्भक्त गणतन्त्रवादी दथुइया जुइमाः : नारायणकाजी
एकीकृत नेकपा (माओवादी)या न्वकु नारायणकाजी श्रेष्ठ 'प्रकाशं' देय्भक्त गणतन्त्रवादी दथुइया एकता दयेमाःगु बिचाः प्वंकादीगु दु ।
व्यवस्थापिका संसदया थौं च्वंगु वैठकय् न्वंवानादिसें न्वकु प्रकाशं विदेशी हस्तक्षेप अप्वयाः वंगुलिं देय्भक्त गणतन्त्रवादी दथुइ एकता माःगु खँ न्ह्यनादिसें वय्कलं माओवादीं चीनियाँ अधिकारीलिसे छु नं कथंया टेलिफोन वार्ता मजूगु स्पष्ट यानादीगु खः । वय्कलं दलत विदेशी शक्तिया निर्देशनय् न्ह्याःगु हुनिं सरकार दयेकेगु शान्ति प्रकि्रया व संविधान दयेकेगु प्रक्रिया पंगः जूवंगु न्ह्यथनादिल।
वय्कलं माओवादी छु नं राजतन्त्रया पक्षय् मदुगु न्ह्यथनादिसें न्हापा संवैधानिक राजतन्त्रया पक्षधरतय्सं राजतन्त्रलिसे कालबिल याःगु बिचाः प्वंकादीगु दु । अथेहे वय्कलं गणतन्त्र, संघीयता, धर्म निरपेक्षता, राष्ट्रिय स्वाधिनता व सामाजिक आर्थिक रुपान्तरणया पक्षधरलिसे मोर्चावन्दी दयेकाः न्ह्यःने न्ह्यायेत माओवादी तयार दुगु धयादीगु दु । माओवादीं जनयुद्धया झ्वलय् जूगु मुद्दायात थनाः सरकारं शान्ति सम्झौता भंग यायेत स्वःगु द्वपं नापं बियादीगु दु ।
