१० गते न्हूम्ह प्रधानमन्त्री : कोइराला

नेपाली कांग्रेसया कार्यवाहक सभापति सुशिल कोइरालां वइगु असोज १० गते जुइगु प्रधानमन्त्रीया निर्वाचनपाखें देशं न्हूम्ह प्रधानमन्त्री ल्यइगु विश्वास प्वंकादीगु दु ।

थौं येँय् ग्वसाःग्वःगु छगू ज्याझ्वलय् न्वंवानादिसें कार्यवाहक सभापति कोइरालां प्रधानमन्त्रीया निर्वाचन ताःहाकः जुयाः देय् अन्यौलताय् घ्वाःगु धयादिसें १० गते न्हूम्ह प्रधानमन्त्री ल्ययाः प्रक्रिया क्वःचायेकेमाःगु बिचाः प्वंकादीगु खः ।

वय्कलं देय् जटिल अवस्थाय् दुगु न्ह्यथनादिसें प्रजातन्त्र व दुगु उपलव्धिया रक्षाया निंतिं फुक्क दलत लिसे सहकार्य यानाः न्ह्यःने न्ह्यायेमाःगु बिचाः प्वंकादीगु खः ।