'निर्वाचन न्ह्यः हे न्ह्यानाच्वंगु राजनैतिक पंगः क्वचाइ'
एकीकृत नेकपा (माओवादी)या नायः पुष्पकमल दाहाल 'प्रचण्डं' प्रधानमन्त्रीया मेगु निर्वाचन न्ह्यः हे न्ह्यानाच्वंगु राजनैतिक पंगः क्वचाइगु विश्वास प्वंकादीगु दु ।
माओवादी पोलिटव्युरो दुजः हरिभक्त कँडेल 'प्रतिक'पाखें च्वयादीगु नेपाली क्रान्तिया हाथ्यात नांया सफूया थौं येँय् उलेज्या यानादिसें नायः प्रचण्डं पंगः क्वःचायेकेत माओवादी न्ह्यःज्यानाच्वंगु बिचाः प्वंकादीगु खः । केन्द्रीय समितिं याःगु दिशानिर्देश कथं पंगः क्वःचायेकेत माओवादी न्हूगु प्रक्रसयाय् वनेगु व जनताया निरासा त्वाःथलेगु वय्कःया धापू दु ।
वय्कलं थःगु पार्टीइ नं कमि कमजोरी दुगु स्वीकार यानादिसें माओवादी मेमेगु संसदीय पार्टी थें मजूगु स्पष्ट यानादिल । शान्ति प्रक्रिया व संसदवादी दलतलिसेया आपालं हाथ्या व विसंगति खनेदुसां नं माओवादी न्ह्याम्ह जोगी वःसां नं न्हाय्पं हे चिरबा धइगु धापू थें मजूगु धयादिल । नायः प्रचण्डं पार्टी दुने थौंकन्हय् शौम्य व शसक्त बहसय् दुगुलिं एकताबद्ध जुयाः ब्वयेगु प्रतिवद्धता प्वंकादिल।
ज्याझ्वलय् सफूया च्वमि लिसे पोलिटव्यूरो दुजः कँडेलं सफुतिइ राजनैतिक उत्तार चढाव माओवादी आन्दोलनं ब्यूगु दृष्टिकोण कःघानाः तःगु बिचाः प्वंकादीगु खः ।
