उम्मेदवारी लितकायेत खनालया इनाप

नेकपा (एमाले)या नायः झलनाथ खनालं असोज १० गते न्ह्यः हे प्रधानन्त्रीया उम्मेद्वारी लित कायेत एनेकपा (माओवादी) व नेपाली कांग्रेसयात हाकन छक्व इनाप यानादीगु दु ।

प्राकृतिक स्रोत व्यवस्थापन विभागं थौं येँय् याःगु ज्यझ्वलय् नायः खनालं राष्ट्रिय सहमति मजुतले तटस्थ च्वनीगु अडान कयादिल । माओवादीयात थःगु हे नेतृत्वय् सरकार गठनया कुत: मयायेत इनाप यानदिसें वय्कलं माओवादीं मेगू नेतृत्व नं स्वीकार यायेमाःगु धयादिल ।

बहुमत बिनाया सरकारं शान्ति व संविधान च्वयेमफूगु दाबी यानादिसें नायः खनालं राष्ट्रिय सहमतिया विकल्प मदुगु धयादिल । राष्ट्रिय सहमति मदयेकुतले प्रधानमन्त्रीया चुनावी प्रक्रियाय् ब्वति मकायेगु धासें एमाले तटस्थ च्वनावयाच्वंगु खः ।