सरकारया जिम्मा मधेशवादी दलयात : गच्छदार

उपप्रधानमन्त्री विजयकुमार गच्छदारं स्वंगू त:धंगु दलं देय् न्हाकेत ताःमलागुलिं आ सरकार सञ्चालनया जिम्मा मधेसवादी दलयात बिइमागु खँ धयादिगु दु ।

मधेसी जनाधिकार फोरम (लोकतान्त्रिक)या स्वन्हून्यंकया प्रशिक्षणया थौं येँय् उलेज्या यानादिसें उपप्रधानमन्त्री गच्छदारं स्वंगू दलं सत्ताया कासा ख्य खाली मयासाः थःगु दलं त:धंगु दलयात मधेसय् शासन लागू याना क्यनेगु ख्याच्वः तकं बियादिल । स्वंगू त:धंगु दलया कारणं देय् राजनीतिक संकटय् लागू द्वपं नं वय्कलं बियादिल ।

फोरम लोकतान्त्रिकया नायः नं जुयादीम्ह गच्छदारं स्वंगू तःधंगु दलं आ: सत्ताया कासा ख्य मधेसवादी दलयात बिइमागु धयादिल । वय्कलं थःगु हे दलया नेतृत्वय् दुगु बहुमतीय सरकार हिलाः सहमतिया सरकार मालेगु एमाले नायः झलनाथ खनालया कुतः ताःमलाइगु दाबी नं यानादिल ।