मोतिलानीलिसे स्वापू

येँ (सन्ध्या टाइम्स)/संयुक्त राष्ट्र संघया पुलांम्ह उप महासचिव नापं आः राष्ट्र संघ महासभाया अध्यक्ष पदय् चुनाव ल्वानाच्वंम्ह भाजु कुलचन्द्र गौतमं मोतिलानी सिरपाःया दाता मोतिलानी ताम्राकारयात मां हे धाइगु जुयाच्वन। कारण, मोतिलानीया काय वय्कःया पासा खनिं। वय्कः मचाबलय् मोतिलानीया छेँय् वय्कःया हे परिवार थें जुयाः आखः ब्वनादीगु जुयच्वन। म्हिगः मोतिलानी सिरपाः इनेगु ज्याझ्वलय् न्ववासें वय्कलं थ्व पुलांखँ कनादीगु खः ।