नेवाः देय् दबूया १६ क्वःगु बुन्हि

येँ (सन्ध्या टाइम्स)/ नेवाःतय्गु राष्ट्रिय संगठन नेवाः देय् दबूया झिंखुक्वःगु बुदिं थौं हनाच्वंगु दु। देय् दबू बुन्हिया लसताय् छुं दिं न्ह्यःनिसें थीथी कथं ज्याझ्वः याना वयाच्वंगु खःसा थौं मूल ज्याझ्वः कथं विशेष समारोह याःगु दु। देय् दबूया देय् न्यंकंया प्रतिनिधितय्सं ब्वति कयादीगु उगु ज्याझ्वःया उलेज्या संविधानसभाया नायः सुवासचन्द्र नेम्वाङं यानादी ।