अवकास प्राप्त सैनिक जर्नेलतय् सुनुवाइ जारी

नेपाली सेनाया च्याम्ह जर्नेलतय् अवकाश दिकेत जारी याःगु अन्तरिम आदेश खारेज यायेत माग यासें दायर याःगु रिट निवेदनय् आइतवाः नं सुनुवाइ जुल । न्यायाधीशत अनुपराज शर्मा व प्रेम शर्मायम मंकाः इजलासय् सरकारयापाखें महान्यायाधिवक्ता सहितया पदाधिकारीत व रक्षामन्त्रालया पाखें कानुन व्यवसायीतय्सं रिट खारेज यायेमाःगु माग यासें बहस याःगु खः ।

अवकास प्राप्त जर्नेलतय् पाखें बसह मजुनीगु व बहस यायेगु ई मगागुलिं सोमवाः हकनं बहसयात निरन्तरता बीगु जूगु दु ।

थ्वस्वयां न्ह्यः सर्वोच्च अदालतया न्यायाधीश कल्याण श्रेष्ठया एकल इजलासं सैनिक ऐनया व्यवस्थाविपरित अवकाश मबीत आदेश जारी यायेवं रक्षामन्त्रालयया पाखें तत्कालीन सचिव वामनप्रसाद न्यौपानें चैत १४ गते अन्तिरिम आदेशय् एकपक्षीय सनुवाइ जूगु धासें रिट निवेदन दायर यानादीगु खः ।