न्यकू जात्राय् सहभागीतय्त सिरपाः

येँ (सन्ध्या टाइम्स)/केन्द्रीय न्यकू जात्रा मतयाः केन्द्रीय ब्यवस्था समितिया अध्यक्ष मोतिलाल शिल्पकारया अध्यक्षताय् थुगुसीया न्यकू जात्रा व मतयाः ज्याझ्वः वकुबहालय् क्वचाल। दँय्दसं उगु ज्याझ्वलय् न्यकू जात्रा व मतयाःया बाद्यवादन मूलगुरु व सहायक गुरुयात मोति सिरपाः लःल्हायेगु याना वयाच्वंगु खः। थुगुसीया मोति सिरपाः क्षेत्र नं ७ या मूल गुरु चैत्यराज शाक्ययात झिद्वः तका, सहायक गुरु रत्नराज शाक्य व राजु शाक्ययात न्याद्वः न्याद्वः तका व हनापौ लःल्हाःगु खः ।