भाषासेवी जोशी तिपूयात सांघातिक आक्रमण

हेटौंडा (सन्ध्या टाइम्स)/नेपालभाषा खलः मकवानपुरया निवर्तमान नायः व स्थानीय नीलम लजया थुवाः भाजु रुद्रहरि जोशीयात म्हीग बहनी सांघातिक हमला यासें लुटपात याःगु दु। लजय् क्वथा बालं कयाः च्वं वःपिं खुम्ह मनूतय्सं चान्हय् वय्कःपिं च्वनीगु क्वथाय् वनाः खुकुरीं पालाः भाजु जोशी नापं वय्कःया जहान भाषासेवी अंगुरबाबा जोशीयात घाःपाः याना बिउगु खः। लुटेरातय्सं प्यतोला लुँ व दां लुटे याना यंकूगु दु। घाःपाः जूपिं जोशी तिपूया छ्नय् न्यागू न्यागू टाका तयेमाःगु खः। प्रहरीं सुयातं ज्वने मफुनि ।