राष्ट्रपतिं कानुनी उपाय मालीगु
येँ (सन्ध्या टाइम्स)/राजनीतिक गतिरोध अन्त्यया निंतिं क्रियाशील जुयादीम्ह राष्ट्रपति डा. रामवरण यादवं निकासया निंतिं आः कानुनी उपाय मालेत थनिंनिसें कानूनविद्त लिसे सहलह ब्याकादीगु जूगु दु ।
जातीय आधारय् संघीयताया तसकं विरोध याना वयाच्वंम्ह कानूनविद् भिमार्जुन आचार्य नापं मेमेपिं कानूनविद्तय्त निकासया नितिं सहलह ब्याकेत राष्ट्रपति यादवं थौं सनिलय् राष्ट्रपति भवनय् सःतादीगु दु ।
राष्ट्रपति यादवं कानूनविद्त लिसे दलतय्सं ताः ई न्ह्यवंनिसें सरकार गठन याये मफयाच्वंगु खँय् निकास बीत छु याये फइ, बजेट पास यायेत छु याये फइ नापं शान्ति प्रक्रिया व न्हूगु संविधान निर्माण बारे गज्याःगु संवैधानिक पलाः ल्ह्वने माली धकाः सहलह ब्याकादीगु खँ धाःगु दु। राष्ट्रपति यादवं संघीयता विरोधी अधिवक्ता आचार्यलिसे न्हापा नं खँल्हाबल्हा यानादीधुंकूगु दु ।
