ईलोहं प्रकाशनयात बाल हितकारी सिरपाः
येँ (सन्ध्या टाइम्स)/साल्ट टेरडिङ कर्पोरेशन लिमिटेडया ४८ क्वःगु दँमुँज्याया झ्वलय् थुगुसी बाल हितकारी सिरपाः २०६७ ईलोहं प्रकाशनयात लःल्हाःगु दु। मदिक्क झिदँ न्ह्यवंनिसें नेपालभाषाया मचालय्पौ ईलोहं पिकयाः याना वयाच्वंगु योगदानयात कदर यासें उगु सिरपाः लःल्हाःगु खः। वंगु शनिवाः जूगु उगु ज्याझ्वलय् सिरपाः लःल्हाना कासें ईलोहं प्रकाशनया प्रबन्ध निर्देशक नरेश वीर शाक्यं नेपालभाषा ख्यःयात नं सिरपाः बीगु परम्परा न्ह्याकूगुलिं सुभाय् देछायादिल ।
