भिक्षु अमृतानन्दया लुमंति
येँ (सन्ध्या टाइम्स) श्रीघः ज्ञानमालाया ग्वसालय् मदुम्ह आचार्य भिक्षु अमृतानन्द महास्थविरया नीक्वःगु गुणानुस्मरण श्रद्धाञ्जली दिवस हन। मंकाः रुपं पंचशील कयाः सुरु जूगु उगु ज्याझ्वलय् खलःया सचिव अमीरमान शाक्यं लसकुस यानादीगु खः ।
ज्याझ्वलय् शान्तरत्न शाक्यं भिक्षु अमृतानन्दया विषयय् कनादीगु खःसा भिक्षु अमृतानन्दं चिनादीगु "जितः दाः वल" धइगु ज्ञानमाला भजन अन न्ह्यब्वःगु खः ।
उगु हे ज्याझ्वलय् खलःया अध्यक्ष रामरत्न तुलाधरं दिवंगत भिक्षु आचार्यया किपाय् खातागा क्वखायेकाः श्रद्धाञ्जली प्वंकादीगु खःसा खलःया जः, दुजः व श्रद्धालु उपासक उपासिकापिंसं नं किपाय् स्वां छानाः श्रद्धाञ्जली प्वंकादीगु खः ।
