ग्वाहालि यायेत चीधंगु दलयात कांग्रेसया इनाप

पार्टीया झिंनिक्वःगु महाधिवेशन नापं वयाच्वगुं इलय् नेपाली काङ्ग्रेसं सरकारय् दुपिं चीधंगु दलतलिसे थौं संसदीय दलया ज्याकुथिइ सहलह याःगु दु । सहलहसं काङ्ग्रेस संसदीय दलया नेता रामचन्द्र पौडेलं प्रधानमन्त्रीया निर्वाचनय् ग्वाहालि यायेत इनाप याःगु ब्वति खँ दुपिं दलया नेतातय्सं धाःगु दु । नेकपा (माले), राष्ट्रिय जनमोर्चा, प्रजातान्त्रिक समाजवादी नेपाल लगायतया दलतलिसे जूगु सहलहसं नेता पौडेलं वइगु प्रधानमन्त्री निर्वाचनय् ग्वाहालिया निंतिं इनाप याःगु खः । चीधंगु दलतय्सं धाःसा सहमति पाखें हे न्ह्यःने न्ह्यायेत सुझाव ब्यूगु दु ।