व्यवस्थापिका संसद्या बैठक स्थगित

व्यवस्थापिका संसदया थौंया बैठक नं सुचं तिकाः स्थगित याःगु दु । लुँया भन्सार वृद्धिया निंतिं न्ह्यब्वःगु आर्थिक न्हापांगु संशोधन विधेयकय् दलत दथुइ सहमति मजुइवं बैठक स्थगित याःगु खः । व्यवस्थापिका संसदया मेगु बैठक कन्हय् न्हिनय् स्वताः इलय् च्वनीगु जूगु दु । थ्व स्वयाः न्ह्यः भदौ २२ व २४ गतेया बैठक नं सुचं तिकाः स्थगित याःगु खः । एकीकृत नेकपा (माओवादीं) कामचलाउ सरकारं छु नं बिधेयक हयेगु हैसियत मतइगु धासें विरोध यानावयाच्वंगु दु । संसदय् दर्ता याःगु बिधेयकय् कर अप्वयेकेमाःगु बस्तुया नां व दर न्ह्यथनामतःगुलिं संशोधन यायेत नेपाली काङग्रेसं माग याःगु दु ।