नेपाः व भारतया सीमा अपराध नियन्त्रण यायेगु सहमित

नेपाः- भारतया सीमावर्ती जिल्लाया सुरक्षा अधिकारीत सीमा अपराध नियन्त्रण यायेत सहमत जूगु दु । बाँकेया नेपालगञ्जय् जूगु बैठकय् निगुलिं देय्या सुरक्षा अधिकारीतय्सं थःथःगु देय्या मोष्ट वान्टेड अपराधीपिनिगु धलः व किपाःत थःथवय् लःल्हायेगु ज्या जूगु दु । बैठकय् ब्वति दुपिं जिल्ला प्रहरी ज्याकू बाँकेया प्रहरी उपरिक्षक महेश विक्रम शाहया कथं बैठकय् अपराधिक कृयाकलाप नियन्त्रण यायेगु मस्त लिसे मिसातय्गु न्यायेमीगु लागुऔषध लिसे ल्वाभः ओसार-पसार नापं भारतय् वइगु अक्टोबरय् जुइत्यंगु स्थानीय निकायया निर्वाचन, राष्ट्रमण्डल कासाया इलय् शान्ति सुरक्षाया स्थितियात सुदृढ यायेगु लगायत सहमति जूगु दु ।