जनविद्रोहलय् वनीगु निश्चित : किरण

एकीकृत नेकपा (माओवादी)या वरिष्ठ न्वकु मोहन बैद्य 'किरणं' माओवादी जनविद्रोहय् वनीगु निश्चित जूगु खँ धयादीगु दु । राजनीतिक दलत माओवादीयात ब्यागलं तयाः फोस्रो सहमति व सहकार्यया जक खँ ल्हानाच्वंगुलिं जनविद्रोहलय् वनीगु लकस ब्वलनाच्वंगु वय्कःया धापू दु ।

थौं छगू साक्षात्कारय् नेता किरणं जनविद्रोहय् वनेगु माओवादीया रहर मजूसे बाध्यता जूगु स्पष्ट यानादिल । माओवादी शान्ति व संविधान च्वयेगुयात लिच्वलय् थ्यंकेत प्रतिबद्ध दुगुलिं जनविद्रोहलय् वनेगु स्थिति मवयेमाः धइगु खँय् सचेत दुगु नं वय्कलं धयादिल । माओवादी आःया निर्वाचन प्रकृया नाटकीय ढङ्गं मवनेमाः धइगु पक्षय् दुगु धयादिसें वय्कलं दलतदथुइ सहलह व सहमति जूसा प्रधानमन्त्रीया उम्मेदवारी लित कायेत तयार दुगु स्पष्ट यानादिल ।