माओवादी नेतृत्वय् सरकार दयेके मज्यू : प्रम

कामचलाउ प्रधानमन्त्री माधवकुमार नेपालं एकीकृत नेकपा (माओवादी) विद्रोहया रणनीति क्वःछिइत व्यस्त दुगुलिं वयागु नेतृत्वय् छु नं हालतय् सरकार नीस्वने मज्यूगु खँ धयादीगु दु । थौं पत्रकारतलिसे खँल्हानादिसें वय्कलं फुक्क दल माओवादी नेतृत्वया सरकारया विरोधय् दुगु दावी नं यानादिल । असोज १० गते व्यवस्थापिका संसदय् जुइगु चुनावपाखें न्हूम्ह प्रधानमन्त्री ल्यइगु वय्कलं विश्वास प्वंकादिल । नेकपा (एमालें) राष्ट्रिय सहमतिया प्रस्तावय् सकृयतापूर्वक सहमति कायम यायेत कुतः यानाच्वंगु नं धयादिल ।