ड्राइभरयात दायाः भेरी खुसिइ चुइकल

बसं मिसा मचायात क्यःगु धासें सल्यान व सुर्खेतया सीमाक्षेत्र सुर्खेतया गजौडा राकमया गामय् च्वंपिंसं चालकयात दायाः भेरी खुसिइ चुइकाः ब्यूगु दु । सुर्खेत राकम - २ गजौडाय् छम्ह स्वदँया मिसा मचायात भेरी-राप्ती बस ब्यवसायी समितिया बसं क्यलेवं उम्ह मचा सीगु खः । मचा सिइधुंकाः आक्रोशित गामय् च्वंपिंसं ना. ३. ख. ६६५१ ल्याःया बस चालक ओकिल बुढाथोकीयात दायाः भेरी खुसिइ चुइकूगु बस ब्यवसायी समिति सल्लीबजारं जानकारी ब्यूगु दु । झिगू लख तकाया क्षतिपूर्तिया माग यासें गजौडाया स्थानीयवासीं मचाया सीम्ह थौं सनिलय् तकं लिकाःगु मदुनि । निगू पक्षदथुइ विवाद मिलय् यायेगु निंतिं निख्यरंया प्रहरीत न्ह्यःज्यासां नं विवाद साम्य धाःसा जुइफुगु मदुनि ।