चिनियाँ अधिकारीत वःगु बारे सुदया च्यूताः

चिनियाँ उच्चस्तरीय पुचःया नेपाः भ्रमणयात कयाः नेपाःया निंतिं भारतीय राजदुत राकेश सुदं च्यूताः प्वंकादीगु दु ।

थौं येँया गोकर्ण रिसोर्टय् उपप्रधान व परराष्ट्रमन्त्री सुजाता कोइरालायात नापलानादिसें राजदुत सुदं चिनियाँ पुचःया नेपाः भ्रमणया बारे च्यूताः प्वंकादीगु खः । उगु इलय् सुदं परराष्ट्रमन्त्री कोइरालानाप नेपालय् चीनया चलखेल अप्वःगु आशय प्वंकादीगु खः । सुदं थ्वसिवें न्ह्यः नेपाली कांग्रेस व नेकपा (एमाले)या नेतातय‍्त तकं सहलह याना थंज्याःगु हे च्यूता प्वंकादीगु खः ।

अथेहे मन्त्री कोइराला व राजदुत सुद दथुइ चिनियाँ अधीकारी व माओवादी विदेश विभाग प्रमुख कृष्णबहादुर महरा दथुइ जूगु धाःगु विवादास्पद टेलिफोन वार्ताया बारे नं सहलह जूगु खः ।