'अस्पष्ट कानुनी आधारया कारणं उद्योग धरासायी'

उद्योगमन्त्री महेन्द्रप्रसाद यादवं कानुनी आधार स्पष्ट मजूगुलिं उद्योगत न्हियान्हिथं धरासायी जुजूं वनाच्वंगु खँ धयादीगु दु ।

थौं येँ 'वर्तमान अवस्था व उद्योग व्यवसाय संकट' विषयक अर्न्तक्रिया ज्याझ्वलय् मन्त्री यादवं उद्योगय् लगानीमैत्री वातावरण व स्पष्ट कानुनया व्यवस्था मदुगुलल‌ उद्योगत धरासयी जुइगु झ्वः न्ह्यानाच्वंगु धयादिल । वय्कलं कानुन दुसां कार्यान्वयनय् सरकारी निकाय दथुइ हे तालमेल मदया व्यवसायिक वातावरण स्यनाच्वंगु धयादिल ।

वय्कलं उद्योगय् मालिक व मजदुर दथुइया समस्या ज्यने मफूगु व राजनीतिक दलपाखें पटक पटक हस्तक्षेप याःगुलिं नं उद्योगधन्दा व्यवसायीक स्वयां राजनीतिक थलोया रुपय् ह्यूगु धयादिल । राजनीतिक दलतय्सं थंज्याःगु ज्याय् पुनविचार यायेमाःगु बिचाः मन्त्री यादवं प्वंकादिल ।