जोरपाटीइ बम विष्फोट

येँया जोरपाटी बेसिगाउँ वडा नं ७य् थौं सुथय् बम विष्फोट जूगु दु । सुथय् ३:२५ बजे जोरपाटीइ च्वंगु सांग्रिला गार्मेन्ट उद्योग ल्यूनय् बम विष्फोट जूगु खः । उगु विष्फोटय् लानाः गार्मेन्टया न्यापाः झ्याःया न्ह्याकं तज्याःगु दु । गार्मेन्ट उद्योग दुगु उगु भवन ल्यूनेया पःखालं इलेक्ट्रोनिक तारया माध्यमं सकेट बम विस्फोट याकुगु खँ प्रहरीं धा:गु दु । विष्फोटया जिम्मा संयुक्त जातीय मुक्ति मोर्चां काःगु दु । विस्फोट याकूगु पुचलं मानविय व भौतिक क्षति याकेत मजूसें नखःचखःया इलय् चन्दा असुली यायेत वार्गेनिङ्या निति‌ विस्फोट याकूगु खँ प्रहरीं धाःगु दु ।