निम्ह लडाकु निष्काशित
येँ (सन्ध्या टाइम्स)/नवलपरासीया चौथो डिभिजनया माओवादी शिविरय् च्वनाच्वंपिं निम्ह लडाकुतय्त आपराधिक ज्याय् लगे जूगु प्रमाणित जुइवं शिविरं निष्काशन यानाछ्वःगु दु ।
माओवादीया चौथो डिभिजन झ्यालटुङ्डाँडाय् कार्यरत प्लाटुन सहायक कमाण्डर लक्ष्मण विक व रमेश धाःम्ह राजु बस्यालयात निष्काशन याना छ्वःगु खः ।
निष्काशित जूपिं निम्हं लडाकुत गुल्मी व नवलपरासी जिल्लाय् वंगु ताः ई न्ह्यवंनिसें थीथी कथंया अपराधया ज्याय् संलग्न जुया वयाच्वंपिं खः। उमित प्यन्हु न्ह्यः तिनि पेस्तोल, चाइनिज रिभल्भर, ग्रिनेट, गोली व लुटे यानातःगु ध्यबा सहित नवलपरासीया प्रहरीं च्वंगु खः। प्रहरीं ज्वनेधुंकाः उपिं अपराधी हे खः धइगु पुष्टि जुइवं माओवादीं हे उमित शिविरं पितिंगु खः ।
