टेप काण्ड: छानबिन छाय् मयाःगु?
येँ (सन्ध्या टाइम्स)/माओवादीया प्रवक्ता कृष्णबहादुर महरा व चीनया छम्ह कुटनीतिज्ञ (वा गुप्तचर) दथुइ खँल्हाबल्हा जूगु धकाः पिहां वःगु टेपया बारे छानबिन यायेमाः धकाः माओवादीं आः तक छाय् माग मयाःगु जुइ?
थौंकन्हय् थीथी पार्टीया नेतातय्सं थ्व न्ह्यसः तयेगु याना हःगु दु। उगु प्रकरणय् माओवादीं छगू चीधंगु वक्तव्य जक पिकाःगु दु। उकी नं टेप छानबिनया माग यानातःगु मदु।
उखे संसदय् नं मेमेगु पार्टीतय्सं टेप छानबिनया माग यायेगु तयारी यानाच्वंसां माओवादीं धाःसा सदन हे चले याके बियाच्वंगु मदु। सरकारं लँ झिके यायेगु सम्बन्धी छगू विधेयक हयेत स्वयाच्वंगु खःसा माओवादीं कामचलाउ सरकारयात विधेयक हयेगु अधिकार मदु धकाः थ्व ज्या पनातःगु दु ।
