थौं आत्महत्या विरोधी दिवस

येँ (सन्ध्या टाइम्स)/आत्महत्या याइपिंत पनेगु ताः तयाः थौं विश्वन्यंकं 'आत्महत्या रोकथाम दिवस' हनाच्वंगु दु। 'आत्महत्या पने नु' धइगु नारा थ्वयेकाः थौं विश्वन्यंकं थ्व दिवस हनाच्वंगु दु। दिवसया झ्वलय् आत्महत्या यानाः मदया वंपिनि लुमंतिइ थौं बहनी येँय् मत च्याकीगु ज्याझ्वः दु। विश्व स्वास्थ्य संगठनया धापू कथं विश्वन्यंकं अथे हे झिगू लाख मनुखं आत्महत्या याइ ।