शान्तिसम्झौता पालना याः : डेलिसि

अमेरिकां शान्ति सम्झौताया पालना यायेत दलतय्त सुझाव ब्यूगु दु । नेपाःया निंतिं अमेरिकी राजदूत स्कट एच डिलिसीं थौं छगू विज्ञप्ति पिकयाः अनमिनया कार्यादेशया विवादय् तमक्यनेत व शान्ति सम्झौताया पालना यायेत सुझाव ब्यूगु खः । अनमिनया कार्यादेश स्वयाः तःधंगु शान्ति प्रक्रियां पूर्णता दइगु खः धासे राजदूत डेलिसिं दलतय्गु ध्यानाकर्षण याःगु दु ।

विज्ञप्तिइ शान्ति प्रक्रियायात पूर्णता बिइत दलतय्सं माःगु पलाः न्ह्याकीगु खँय् विश्वास प्वंकूगु दु । राजदूत डेलिसिं अनमिनया भविष्ययाबारे सरकार व माओवादीया बिचाः थुइकेत म्हिगः बेलायती व फ्रन्सेली राजदूतलिसे प्रधानमन्त्री माधवकुमार नेपाल व एकीकृत नेकपा (माओवादी)या नायः पुष्पकमल दाहाल 'प्रचण्ड'लिसे सहलह यानादीगु खः ।