सुदं सुशीलयात नापलात
भारतं लोकतान्त्रिक शक्ति दथुइ एकता यानाः सरकार नीस्वनेत नेपाली काङ्ग्रेसयात सुझाव ब्यूगु दु । नेपाःया निंतिं भारतीय राजदूत राकेश सुदं थौं न्हिनय् काङ्ग्रेस कार्यवाहक सभापति सुशील कोइरालायात नापलानाः लोकतान्त्रिक शक्तिया सरकारयात भारतं न्ह्यात्थेंज्याःगु ग्वाहालि नं यायेगु आश्वासन ब्यूगु खः ।
कोइराला निवास महाराजगाजय् जूगु नापलाये ज्याय् राजदूत सुदं माओवादीयात सरकारया नेतृत्व मबीत व मधेशवादी दलया समर्थन कयाः याकनं सरकार नीस्वनेत सुझाव ब्यूगु स्रोतया दाबी दु ।
माओवादी विदेश विभाग प्रमुख कृष्णबहादुर महरा व चिनियाँ अधिकारी दथुइ जूगु धयातःगु गोप्य संवाद भारतं हे नेपाली साचारमाध्यमयात वितरण याःगु बुखँत पिहांवयाच्वंगु इलय् राजदूत सुदं थुकीया बारे काङ्ग्रेसया बिचाः फ्वंगु दु ।
थ्वहे दथुइ नेपाली कांग्रेसया केन्द्रीय दुजः प्रदीप गिरीं महराया टेप प्रकरणबारे लिसः बिइमाःगु खँ धायादीगु दु । मोरङया विराटनगरय् थौं पत्रकारलिसे खँल्हासें गिरीं टेप प्रकरणया सर्वत्र विरोध जुलं नं माओवादी सुम्क च्वंगु धासें थुकिं शंका अप्वयेकूगु धयादिल ।
