थौं वीपीया ९७ दँ बुदिं
येँ (सन्ध्या टाइम्स)/ नेपाली कांग्रेसया संस्थापक नेता विश्वेश्वर प्रसाद कोइरालाया थौं ९७ क्वःगु बुदिं नेपाली कांग्रेस व थुकिया भ्रातृ संगठनतय्सं थीथी ज्याझ्वः यासें हनाच्वंगु दु। थ्व हे झ्वलय् कांग्रेसया केन्द्रीय ज्याकू सानेपाय् छगू विशेष ज्याझ्वः यायेत्यंगु दु। वीपी जयन्तीया लसताय् येँया थाय्थासय् गोष्ठी, बृक्षारोपन, हिदान नापं थीथी कथंया ज्याझ्वःत न्ह्यानाच्वंगु दु ।
न्हापांम्ह जननिर्वाचित प्रधानमन्त्री कोइरालां २०१३ सालय् राष्ट्रिय मेलमिलापया नीति हयादीगु खः। वीपीया हिटलर व यहुदी, दोषी चस्मा, सुम्निमा, श्वेतभैरवी, नरेन्द्र दाइ, मोदिआइन, आत्मबृत्तान्त थेंजाःगु उपन्यास व आत्मपरक कृतित प्रकाशित जुइधुंकूगु दु ।
