तनाच्वंम्ह ईन्जिनियर अचेत अवस्थाय् लुल

येँ (सन्ध्या टाइम्स)/वंगु भदौ १८ गतेनिसें तनाच्वंम्ह थनया बुद्धनगरय् च्वंम्ह ईन्जिनियर महेन्द्रप्रसाद चुडाल थौं सुथय् चितवनय् अचेत अवस्थाय् लूगु दु। वय्कः नारायणगढया नारायणी ताँया दथुइ अचेत अवस्थाय् लुयावःगु खँ प्रहरीं धाःगु दु ।

३५ दँया चुडालयात प्रहरीं परिवारयात लःल्हाये धुंकूगु दु। वय्कःयात आः भरतपुर अस्पतालय् वासः याकातःगु दु। वय्कलं गयावंगु बा. ३५ प ४७७४ नम्बरया मोटरसाइकल धाःसा मलूनि ।