दुर्घटनाय् निम्ह सित
येँ (सन्ध्या टाइम्स)/सगरमाथा राजमार्गया कदमाह गाइघाट धइगु थासय् उदयपुरया त्रियुगा नगरपालिकाय् वंगु चान्हय् जूगु सवारी दुर्घटनाय् लानाः निम्ह मनू सीगु दु। गाईघाटं जलजलेपाखे वनाच्वंगु स. २ प २०७९ नम्बरया ट्याक्टरं मोटरसाइकलयात ठक्कर नकाः त्रियुगा नगरपालिकाया २३ दँ दुम्ह विवेक खड्का व २४ दँ दुम्ह दिनेश राई सीगु खः। ठक्कर नयाः घाःपाः जूपिं निम्हेसितं स्थानीय अस्पतालय् वासः याःगु खःसां वासः यायां हे उपिं सीगु खः। उगु घटनायात कयाः प्रहरीं ट्याक्टर चालक शंकर मगर व ट्याक्टरयात नियन्त्रणय् कायेधुंकूगु दु ।
