इन्जिनियर चुडाल चितवनय् लुइकल

भदौ १८ गतेनिसें सम्पर्कविहीन जुयाच्वंम्ह येँ बुद्धनगरया इन्जिनियर महेन्द्रप्रसाद चुडाल बुधवाः चितवनय् लुयावःगु दु । वय्कः नारायणगढया नारायणी तांया दथुइ अर्धअचेत अवस्थाय् लूगु खँ चितवन प्रहरीं जानकारी ब्यूगु दु । चुडाल गयावंगु बा. ३५. प. ४७७४ ल्याःया मोटरसाइकल धाःसा मलुनी । स्वीन्यादँया चुडालयात प्रहरीं थःथितिया जिम्माय् ब्यूगु दु । वय्कःया भरतपुर अस्पतालय् वासः जुयाच्वंगु दु । अपहरणय् लाःगु शंका याःसां नं चुडालं थुकिया बारे छु नं मधाःगु व अपहरणय् लाःगु जुइफुगु छु नं आधार लुयाः मवःगु जानकारी प्रहरीं ब्यूगु दु ।