संसद बैठक स्थगित

थौंया निंतिं सःताःतःगु व्यवस्थापिका संसदया बैठक सुचं तिकाः स्थगित याःगु दु । लुँया भन्सार वृद्धि सम्बन्धी आर्थिक न्हापांगु संशोधन विधेयक पारित यायेत च्वने धयातःगु संसद बैठक दलत दथुइ सहमति जुइमफयाः स्थगित याःगु खः ।
मेगु बैठक भदौ २८ गते छताः ईलय् सःताः तःगु दु ।
सरकारं २२ गते व्यवस्थापिका संसदय् लुँया भासार वृद्धिया निंतिं आर्थिक विधेयक न्हापांगु संशोधन न्ह्यब्वःगु खः । भन्सार वृद्धिया निंतिं थ्व स्वयाः न्ह्यः हःगु अध्यादेश निस्कृय जुइवं सरकारं विधेयक दर्ता याकूगु खः ।