थौं हलिया मुक्ति दिवस

येँ (सन्ध्या टाइम्स)/थौं निक्वःगु हलिया मुक्ति दिवस थीथी ज्याझ्वः यानाः देय्न्यंकं हनाच्वंगु दु। राष्ट्रिय हलिया मुक्ति समाज महासंघया ग्वसालय् येँय् अन्तर्क्रिया याइगु जूगु दु। तत्कालीन माओवादीया नेतृत्वय् दुगु सरकारं २०६५ सालया भदौ २१ गते हलीया मुक्ति घोषणा याःगु खः। हलियातय्गु पुनःस्थापनाया निंतिं दबाव मुलक ज्याझ्वःया रुपय् दिवस हनेगु जुइ धकाः हलियातय्सं धाःगु दु। सरकारी तथ्यांक कथं देय्न्यंकं यानाः १९,९४८ म्ह हलिया दु ।