ल्याय्म्ह तिरिमय्जु पुचः नीस्वन
थिमि (सन्ध्या टाइम्स)/ल्याय्म्ह पुचः थिमि नीस्वंगू नीन्यादँ क्यंगु लसताय् ;ल्याय्म्ह तिरिमय्जू पुचः थिमि' नीस्वंगु दु। ल्याय्म्ह पुचःया वहःदँ क्यंगु झ्वलय् पुचःया दक्व तिरिमय्जुपिं मिले जुयाः ल्याय्म्ह तिरिमय्जु पुचः थिमि नीस्वंगु खः ।
तिरिमय्जु पुचलय् नायः प्रेमकेशरी बज्राचार्य, न्वकु सुशिला बाडे, छ्याञ्जे जेनी श्रेष्ठ, ल्यूछ्याञ्जे रेणु श्रेष्ठ, दांभरि सुन श्रेष्ठ ल्यःगु दु। अथेहे ज्यासना पुचःया दुलय् निर्मला श्रेष्ठ, रमिता बज्राचार्य, गोविन्दलक्ष्मी श्रेष्ठ, शारदा श्रेष्ठ, सुलोचना श्रेष्ठ व जमुना मानन्धर ल्यःगु दु। पुचलं ल्याय्म्ह पुचःया वहःदँया झ्वलय् जुइगु दक्व ज्याझ्वलय् सक्रिय रुप ब्वति कयाः ग्वाहालि यायेगु निर्णय याःगु दु ।
