वर्षावास बारे ज्यापौ
येँ (सन्ध्या टाइम्स)/थनया स्वयम्भूस्थित आनन्द भुवन विहारय् छगू समारोहय् भिक्षु संघरक्षित स्थविर "सद्धम्म कोविद" पाखें "बुद्ध धर्मय् वर्षावास: छगू अध्ययन" विषयक ज्यापौ न्ह्यब्वयाबिज्यात ।
बुद्ध शिक्षा अध्ययन समितिया ग्वसालय् जूगु उगु ज्यापौ प्रस्तुतीकरण ज्याझ्वलय् समितिया दुजः नविना चित्रकारं लसुकस यानादीगु खः। ज्यापती वर्षावासया सामान्य म्हसीकांनिसें कयाः थुकिया अनेक नियम-विनियम, ऐतिहासिक प्रारम्भ, थीथी स्वापूया घटनात नापं वर्षावास सम्बन्धी आपालं खँत दुथ्याकातःगु दु। ज्याझ्वलय् उगु ज्यापौयात कयाः न्ह्यसःलिसः नं जूगु खः ।
थुगु विहारय् उज्वःगु ज्यापौ न्ह्यब्वयेगु ज्याझ्वः हरेक महिनाया स्वंगूगु शनिवाःपतिकं जुइगु याः ।
