अनमिनया आःया हे कार्यादेशयात निरन्तरता ब्यू : मुन
संयुक्त राष्ट्रसंघया महासचिव वानकी मुनं अनमिनया आःया हे कार्यादेशयात निरन्तरता बीत सिफारिस यानादीगु दु । राष्ट्रसंघया सुरक्षा परिषदया बैठकय् महासचिव मुनं न्ह्यब्वयादीगु प्रतिवेदनया बारे सोमवाः अनमिनं छगू विज्ञप्ति पिथनाः आःया अवस्थाय् मिसनया भविष्यया सम्बधन्य् गहन वार्ता यायेत आःया अवस्था अनुकूल मजूगु धासें विधिवत् सरकार नाप आवश्यक सहलह यायेत अनिमिनया आःया हे कार्यादेशयात निरन्तरता बीमाःगु खँ न्ह्यथंनातःगु दु ।
महासचिव मुनं अनमिनया बारे निरन्तर रुपं आधारहीन द्वपंया कारणं कार्य सम्पादनय् हे जटिलता अप्वयेकीगु वातावरणय् मिसनया कार्यादेश बारम्बार थप यायेमाःगु पक्षय् राष्ट्र संघ मदुगु खँ नं धयादीगु दु ।
वय्कलं नेपाःया राजनीतिक दलत नापया परामर्श्र व समायोजन व पुनर्स्थापनाया प्राविधिक पक्षनाप सम्बन्धित ननपेपर तयारी सहितया थःगु पाखें यायेगु कुतः अनमिनं यानाच्वंगु जूसां नं मिसनयात थःगु ज्या पूवंकेत व थःगु जिम्मेवारी छुं नं पक्षयात हस्तान्तरण यायेगु कथंया प्रगति मजूनिगु खँ न्ह्यथनादीगु दु ।
अथेहे दलत दथुइ आन्तरिक मतभेद व सत्ता बाँठडफाँडया विषयलय् तक्यंगु कारण नेपाःया शान्ति प्रकृया सहमतिया आधारय् न्ह्याः वंगु संकेत न्युन जूगु खँ नं वय्कलं धायादीगु दु ।
