कांग्रेस महाधिवेशनया खर्च स्वंगू करोड

नेपाली कांग्रेसया आसन्न झिंनिक्वःगु महाधिवेशनया निंतिं स्वंगू करोड खर्च तुइगु जानकारी ब्यूगु दु । महाधिवेशन तयारीया निंतिं गठित आर्थिक संकलन समितिं थौं पार्टी ज्याकू सानेपाय् पत्रकार सम्मेलन यानाः स्वंगू करोड खर्च तुइगु जानकारी ब्यूगु खः । समिति कजि दीपकुमार उपाध्यायं न्हापा आर्थिक हिनामिनाया द्वपं लानाच्वंगुलिं थुगुसी सहजकर्ता छ्यःगु धयादिल । आन्तरिक स्रोतपाखें छगू करोड व ल्यं दुगु ध्यबा बाहिय ग्वाहालिपाखें संकलन यायेगु योजना दुगु खँ उपाध्यायं धयादिल ।

निगू कांग्रेस एकीकरणलिपा जुइत्यंगु न्हापांगु महाधिवेशन वइगु असोज १ गतेनिसें येँय् न्ह्यायेत्यंगु दु ।