स्वन्हुया दुने निष्कर्ष बीत सभामुखया निर्देशन

संविधान सभाया अध्यक्ष सुवास नेम्वाङं जनमत मुंकेगु झ्वलय् प्राप्त जूगु राय सुझाव अध्यन याना क्वछीनातःगु ईलय् निष्कर्ष लःल्हायेत संविधान सभा समितिया सभापतितय्त निर्देशन ब्यूगु दु ।

शनिवाः थीथी झिंछगू समितिया सभापति व दलया सचेतकतय्त थःगु ज्याकूथी सःता नेम्वाङं थंज्याःगु निर्देशन बियादीगु खः । सुथय् च्याताः निसें सनिलय्या खुताः ईलय् तक जनतापाखें मुंकूगु सुझाव अध्यन याना स्वन्हुया दुने निष्कर्ष पेस यायेत वयेकलं निर्देशन बियादीगु खः ।

सुझाव अध्यन याइगु समितिया दक्व दुजःतय्त नं अनिवार्य उपस्थित जुइत सभाध्यक्षं निर्देशन बियादीगु दु । थ्वस्वयां न्ह्यः शनिवाः सुथय् संवैधानिक समितिं राय सुझाव अध्यनया निंतिं दुजः सभासदतय्सं मुंकूगु फारम वितरण याःगु खः । जनमत संकलनया झ्वलय् थ्यंमथ्यं न्यागू लाख राय सुझाव मुंकूगु खः ।