न्युयोर्क वनेगु प्रधानमन्त्रीया ज्याझ्वः रद्द

संयुक्त राष्ट्रसंघीय महासभाय् ब्वति कायेगु प्रधानमन्त्री माधवकुमार नेपालया पूर्वनिर्धारित ज्याझ्वः रद्द जूगु दु । थ्व स्वयाः न्ह्यः छगू दर्जन स्वयां आपालं पुचःलिसे वय्क असोज १ गते बैठकय् ब्वति काःवनेगु ज्याझ्वः क्वःछिउगु खः ।
कामचलाउ प्रधानमन्त्री जम्बो पुचःलिसे महासभाय् ब्वति काःवनेत्यंगु धासें कुंख्युंगु खः । कामचलाउ प्रधानमन्त्री महासभाय् वनेवलय् बांलांगु सन्देश मवनीगु ग्वाहालिमिपिनिगु सल्लाह कथं वय्कलं पूर्वनिर्णय ज्याझ्वः हीकूगु जानकारी स्रोतं ब्यूगु दु । अथे नं भ्रमण रद्द याःगुया कारण धाःसा प्रष्ट याःगु मदुनि ।

प्रधानमन्त्रीया प्रेस सल्लाहकार विष्णु रिजालं थ्व स्वयां न्ह्यः महासभाय् वनेगु खँ जक जूगु व आः मवनेगु धयादिल । महासभा भदौ २९ गतेनिसें न्ह्यायेत्यंगु दु ।