माओवादीं बृहत सहलह याइगु

एकृकीत नेकपा (माओवादीं) थौं जुइगु प्रधानमन्त्रीया निर्वाचन पाखें नं लिच्वः पिहांमवसाः बृहत सहलह यायेगु निर्णय याःगु दु ।

आइतवाः सुथय् च्वंगु पार्टी पदाधिकारीतय् बैठकं खुक्वः चरणया निर्वाचनय् पार्टीं ब्वति कायेगु तर उकीं नं लिच्वः मवसाः राजनीतिक दल, नागरिक समाज, बौद्धिक व्यक्तित्व लगायत थीथी ख्यःया व्यक्तित्वत नाप बृहत सहलह यायेगु निर्णय याःगु दु । माओवादीं उगु सहलहलय् प्रधानमन्त्री ल्ययेगु न्हूगु लँपुया बारे खँल्हाबंला यायेगु खँ धाःगु दु ।

अथेहे पार्टीं चिनियाँ अधिकारीनाप सभासद् न्यायेत ध्यबाः फ्वंगु धकाः पिहांवःगु बुखँ प्रति आपत्ति प्वंकूगु दु । माओवादीं पार्टीयात बदनाम यायेगु थकं उगु अडियो टेप थीथी शक्ति केन्द्रं सार्वजनिक याःगु खँ धाःगु दुसाः उगु अडियो टेपया बारे छानबिन यायेगु निर्णय नं याःगु दु ।