तटस्थ च्वंगु दलत जिम्मेवार : नरहिर

नेपाली कांग्रेसया केन्द्रीय दुजः नरहरि आचार्यं प्रधानमन्त्रीया निर्वाचनय् लिच्वः पिहांवयेमफुगुया जिम्मेवार तटस्थ च्वनाच्वंगु दलत जूगु द्वपं बियादीगु दु ।

आइतवाः सुथय् लम्जुङय् पत्रकारत नाप खँल्हाबंला यानादिसें आचार्यं प्रधानमन्त्री ल्ययेमफुगु मू बाधक दलतय्सं कयाच्वंगु तटस्थताया अडान जूगु धयादिल । वय्कलं एमाले नेतृत्वया सरकार गठन जूगु इलय् कांग्रेसं एमालेयात ग्वाहालि यानाःगु खँ धयादिसें आः कांग्रेसयात ग्वाहालि यायेत एमालेयात इनाप यानादिल ।

मेगू छगू प्रशंगय् वय्कलं कांग्रेसया झिंनिगूगु महाधिवेशनय् ल्याम्ह पुस्तायात ज्वना पार्टीयात सशत्त व सुदृढ यायेगु निंतिं थम्हं महामन्त्री पदय् उम्मेदवारी बियागु धयादिल ।