कुटनितिक मर्यादा विपरीत भारतीय अभिव्यक्ति : पोखरेल

सूचना व संचारमन्त्री शंकर पोखरेलं नेपाःया संचार माध्यमया विषययात कयाः भारतीय दुतावसया लिप्पांगु अभिव्यक्ति कुटनितिक मर्यादा विपरीत जूगु खँ धयादीगु दु । वय्कलं भारतीय राजदुत राकेश सुदया अभिव्यक्ति अमर्यादित जूगु धयादिसें उकीयात नेपाःया संचार क्षेत्रय् जूगु हस्तक्षेपया संज्ञा बियादिल ।

शनिवाः दोलखाया जिरीलय् चायेकूगु हिमाली रेडियो १०१.८ मेघाहर्जया औपचारिक उलेज्या यानादिसें वय्कलं नेपाःया आमसंचार स्वतन्त्र जूगुलिं सुनां नं थुकीयात हस्तक्षेप यायेगु ज्या निन्दनीय जूगु धयादिल ।

वय्कलं नेपाःया आम संचार माध्यम पाखें छुं त्रुटी जुसाः दुतावास नेपाःया सरकार, प्रेस काउन्सिल व अदालतिय प्रकृयाय् वनेमाःगु धायादिसें सुदया अभिव्यक्ति प्रति गम्भीर असन्तुष्टि प्वंकादिल ।