संविधानसभा भंग या : बिजुक्छे

नेपाल मजदुर किसान पार्टीया अध्यक्ष नारायणमान बिजुक्छें संविधानसभा भंग यायेमाःगु माग यानादीगु दु ।

शनिवाः नेपाल प्राध्यापक समाज, ख्वपं याःगु ज्याझ्वलय् अध्यक्ष बिजुक्छें न्याक्वः तक नं संसदय् निर्वाचन जुयाः नं प्रधानमन्त्री ल्ययेमफुगु धयादिसें आः संविधानसभा भंग यानाः राष्ट्रपति शासन लागु यायेमाःगु बिचाः प्वंकादिल ।

वय्कलं हलिमय्या इतिहास स्वयेगु खःसा नेपालय् जक संविधानसभाया म्याद थप यायेगु ज्या जूगु धयादिसें थप जूगु ईया दुने नं संविधान निर्माण यायेगु सम्भावना मदुगु धयादिल ।