घुस प्रकरणय् अख्तियारं अनुसन्धान याइगु

अख्तियार दुरुपयोग अनुसन्धान आयोगं सभासदं थः काय्यात प्रहरी निरीक्षक दयेकेत घुस नकूगु धकाः पिहांवःगु बुखँया बारे अनुसन्धान याइगु जूगु दु । नेकपा (एमाले)या सभासद् गोविन्द नेपालीं थः काय् नवराजयात प्रहरी निरीक्षकय् पास याकेत घुस ब्यूगु धकाः शुक्रवाः सुथय् थीथी पत्रिकाय् बुखँ प्रकाशित जूगु खः । उगु बुँखय् सम्बन्धय् आयोगं प्रहरी प्रधान ज्याकू पाखें दक्वं फाइल २४घौ दुने झिके यानाः अनुसन्धान यायेगु निर्णय याःगु खः ।

आयोगं थौं छगू विज्ञप्ति पिथनाः पत्रपत्रिकाय् प्रकाशित बुखँ कथं नेपाल प्रहरीया प्रहरी अतिरिक्त महानिरीक्षक प्रकाश कुँवरं असाई सुरेन्द्र आचार्य व सूर्यबहादुर सुनुवारयात ज्वना जेलय् तयाः अनुसन्धान न्ह्याकूगु धइगु बुखँया बारे ध्यानाकर्षण जूगु खँ नं धाःगु दु ।