अनिमनया कार्यदेश म्हो यायेगु खँय् ग्वाहालि यानादिसं : प्रम
प्रधानमन्त्री माधवकुमार नेपालं नेपाः स्थित राष्ट्रसंघीय मिसन अनमिनया कार्यदेश म्हो यानाः म्याद थप यायेगु खँय् ग्वाहालि यायेत थीथी देय्या राजदुतय्त इनाप यानादीगु दु ।
शुक्रवाः नेपाः स्थित अमेरिका, जापान व बेलायतया राजदुततय्त ब्यागलं ब्यागलं नापलानादिसें प्रधानमन्त्री नेपालं दलत दथुइया खँल्हाबंलाय् अधिकांश दलया नेतातय्सं अनमिनया कार्यदेश म्हो यानाः म्याद थप यायेमाःगु सुझाव वःगु जानकारी बियादिल ।
प्रधानमन्त्री नेपालं आः नेपाली सेनायात अनमिनया अनुगमनय् तयेमज्यूगु धयादिल । वय्कलं खुलाया दुने माओवादीया लडाकुतय् समायोजन व पुनर्स्थापना यायेत अनमिनयात नेपाः सःतुगु खःसां उगु कथं ज्या मजूगुलिं आः नेपाली सेनायात अनमिनया अनुगमनय् तयेगु उपयुक्त मजूगु धयादिल ।
अमेरिकाया कार्यवाहक राजदुत प्याटे्रसिया मोहानी, जापानया राजदुत तात्सुओ मिजुनो व बेलायती राजदुत जोन तुकनोटनापया खँल्हबंलाय् अनमिनया बारे हे केन्द्रीत जूगु खः ।
