सुरक्षाकमिः छ्यलाः येँया फोहोर मुन

छवाः न्ह्यः निसें येँया सतकय् द्ववं चिनाच्वंगु फोहोर थौं सुरक्षाकमिः छ्यलाः मुंगु दु । नुवाकोटया सिस्डोलवासीतय् आन्दोलनया कारणं मुने मफुगु फोहोर थौं ५००म्ह सुरक्षाकमिः छ्याः ओखरपौवा ल्याण्डफिल्ड साइडय् वाये यंकूगु खः । येँ महानगरपालिकां अन फोहोर वायेत थौं ३००म्ह जनपथ प्रहरी व २००म्ह सशस्त्र प्रहरी परिचालन यानाःगु खँ धाःगु दु ।

महानगरपालिकां थौं ६०० मेटि्रक टन फोहोर ओखरपौवा ल्याण्डफिल्ड साइडय् वाःगु खःसा ३०० मेटि्रक टन येँया टेकुइ च्वंगु अस्थायी ल्याण्डफिल्ड साइडय् कायेयंकूगु खः । छवाः न्ह्यः निसें येँय् मुनाच्वंगु अझ नं ८०० मेटि्रक टन फोहोर वाये मानीगु खँ महानगरपालिकां धाःगु दु ।