थुगु दँय् जक प्राकृतिक प्रकोपया कारण २५८म्ह सित

थीथी प्राकृतिक प्रकोपया कारणं थुगुसी जक २५८म्ह मनूत सीधुंकूगु तथ्यांक गृह मन्त्रालयं सार्वजनिक याःगु दु । बिहीवाः च्वंगु व्यवस्थापिका संसदया प्राकृतिक श्रोत साधन समितिया बैठकय् गृह मन्त्रालयया सचिव गोविन्द कुसुमं उगु तथ्यांक न्ह्यब्वयादीगु खः । उगु तथ्यांकय् प्राकृतिक प्रकोकया कारणं थुगुसी स्वंगू करोड स्वयां अप्वया क्षति जुइधुंकूगु खँ न्ह्यथनातःगु दु । नापं विपत्ति लाःपिंत राहतया निंतिं प्रधानमन्त्रीया राहत कोषं ३२ जिल्लाय् स्वंगू करोड विनियोजन यानाःगु जानकारी ब्यूगु खः ।