वीरगञ्जय् भन्सार छले यानाः हःगु लुँ बरामद

भारतं भन्सार छले यानाः हःगु ४ किलो २ सय ९९ ग्राम लुँ सशस्त्र प्रहरीं वीरगञ्जय् बरामद याःगु दु । प्रहरीं छगू करोड ३७ लख बराबरया लुँ बिहीवाः सुथय् बरामद याःगु खः । बा. ७. च. ६३४४ नम्बरया कारया सिट क्वये सुस्काः हःगु लुँयात प्रहरीं भन्सार न्ह्यनें बरामद याःगु खः ।

प्रहरीं पूर्व सूचंया आधारय् बुधवाः सनिलय् हे कारया चालक वीरगञ्ज घडिअर्वाया अरविन्द सिंह व लुँ धनि वीरगञ्ज आदर्शनगरया अमित दारुकयात ज्वंगु खः । लिपा बिहीवाः सुथय् गाडी जाँच याःगु इलय् लुँ लुइकूगु खँ धाःगु दु ।