अर्थ मन्त्रीयात बजेट ह्येगु अधिकार मदु : रिजाल

संस्कृति मन्त्री मिनेन्द्र रिजालं नेकपा (एमाले) पाखें अर्थमन्त्री जुयादीम्ह सुरेन्द्र पाण्डेयात न्हूगु बजेट ह्येगु अधिकार मदुगु खँ धयादीगु दु । वय्कलं प्रधानमन्त्रीया निर्वाचनय् न्याक्वः तक तटस्थ च्वनाः दयेयात अनिर्णयया बन्दी दयेकाच्वंगु एमालेया मन्त्रीयात बजेट ह्येगु अधिकार मदुगु धयादिल ।

नेपाल प्रेस युनियन कास्कीं बिहीवाः पोखराय् याःगु पत्रकार नापलायेगु ज्याझ्वलय् मन्त्री रिजालं राजीनामा बीधुंकूगु सरकारं बजेट ह्येगु सम्भावना मदुगु धयादिल । एमाले लगायत पार्टीयात प्रधानमन्त्रीया निर्वाचनय् निगू मध्ये छगू पार्टीया उम्मेदवारयात समर्थन यायेत इनाप यानादिसें मन्त्री रिजालं बहुमत कयाः निर्वाचित जुइम्ह प्रधानमन्त्रीं हे न्हूगु नीति व ज्याझ्वः नापं बजेट हइगु धयादिल ।