थौं स्वक्वःगु राष्ट्रिय पुस्तकालय दिवस

येँ (सन्ध्या टाइम्स)/'सूचना, ज्ञान व सीपया नितिं पुस्तकालय' धैगु नारा बियाः थौं स्वक्वःगु राष्ट्रिय पुस्तकालय दिवस थीथी ज्याझ्वः यासें हनाच्वंगु दु। छवाः तक दिवस माने यायेगु झ्वलय् थौं औपचारिक रुपं क्वचायेकी धाःगु दु। उपराष्ट्रपतिया ज्याकू बहादुर भवनय् औपचारिक रुपं हे थौं ज्याझ्वः याइगु जूगु दु। थौंया ज्याझ्वलय् त्रिभूवन विश्व विद्यालय किपूयात उत्कृष्ट पुस्तकालयाया रुपय् सम्मान याइगु जूगु दु। अथे हे थीथी कासाय् ब्वति कयाः त्याकूपिंत नं सिरपाः बीगु ग्वसाः दु ।